ILOILO CITY – Unanimously approved sa Iloilo City Council ang accreditation kag ang Memorandum of Agreement sa tunga sang Iloilo City Government kag Iloilo Festivals Foundation Inc.
Kadungan sang ginpatigayon nga sesyon, ginpahayag ni Atty. Jobert Peñaflorida, presidente sang Iloilo Festivals Foundation Inc., nga tuman ang iya nga pagpasalamat sa mga opisyal sang syudad sang Iloilo nga nagpabor sa accreditation sang Iloilo Festivals Foundation Inc.
Magluwas sa accreditation, ginpirmahan man ang Memorandum of Agreement may kaangtanan sa pagpatigayon sang Dinagyang festival kag iban pa nga mga kahiwatan sa syudad sang Iloilo.
Suno kay Atty. Penaflorida, nahibalu-an niya nga indi maga-agi sa Iloilo Festivals Foundation Inc. ang pondo nga pagagastuhon sa baylo sila lang ang magadumala sang kahiwatan.
Nahibalu-an nga bag-o pa man nahatagan sang accredidation ang Iloilo Festivals Foundation Inc., ginkwestyon pa ni Iloilo City Councilor Eduardo Peñaredondo ang records sang nasambit nga foundation bangud sa pila ka teknikalikad kun layi ang pagabasehan.
