Kumpirmado nga yara na sa Singapore si acting Davao City Mayor Sebastian Baste Duterte.
Suno sa National Bureau of Investigation, nakabaton sila sang impormasyon gikan sa koordinasyon ng Immigration nga nagbiya pagwa sang pungsod si Baste kahapon sang aga kaupod ang iya pamilya kag staff.
Indi pa maathag kun ano ang tuyo sini sa Singapore.
Kadungan ini sang ginalauman kuntani nga charity boxing match batok kay Philippine National Police (PNP) Chief General Nicolas Torre III.
Nagsugod ini sang nanghangkat si Baste sang tapungulay, apang sang nagsabat na si Torre nga maatubangay sila sa boxing match, nagplastar ang anak nga Duterte sang iya nga mga kondisyon kun sa diin nalakip nga dapat i-mando ni President Bongbong Marcos sa tanan nga elected officials nga magpaidalom sa drug test.
Natalana kuntani nga patigayunon ang ila pag-atubangay buwas, Hulyo 27 sa Rizal Memorial Coliseum sa Manila kun sa diin may na-set up na nga boxing ring.
Una na nagpahayag si Torre nga kun indi man magsipot si Baste sa ila boxing match, magapanagtag na lang ini sang ayuda sa mga Pilipino nga apektado sang bagyo kag baha.
