Ginlibot ni Iloilo City Acting Mayor Jeffrey Ganzon kaupod si Iloilo City Police Office (ICPO) Director Police Colonel Kim Legada ang mga patyo sa tanan nga Distrito sang Iloilo City kadungan sang Pista Minatay subong nga tuig.
Sa interview sang Bombo Radyo kay Ganzon, iya ginpahayag nga sa iya paglibot, ginsekyar sini ang police visibility sa tagsa ka patyo kon sa diin, may mga bastante ini nga numero.
Suno kay Ganzon, aktibo man nga nagabantay ang katapo sang Philippine Army sa pila ka patyo sa Jaro.
Gin-athag man sang natungdan nga tuyo lamang sini nga mapabilin ang peace and order sa palibot sang syudad sa pagdumdom sang Pista Minatay.
Gintumod man sang acting mayor nga wala gid siya masyado nagpasobra sang libot bangud basi may maghatag sang malisya nga siya ang nagapamulitika.
