Gindesisyonan ni Iloilo City Acting Mayor Jeffrey Ganzon nga libre na lang ang mga flower vendors sa ila nga permit agud nga makabaligya para sa Fiesta Minatay.
Sa interview sang Bombo Radyo kay Acting Mayor Jeffrey Ganzon, iya ginpahayag nga ginpahanugutan sang syudad ang mga flower vendors nga makasugod na baligya sa Oktubre 29, 2024.
Suno kay Ganzon, apisar nga libre na ang ila pagbaligya sang mga bulak, kinahanglan nila sa gihapon nga magkuha sang permit agud nga ma-identify nga sila ang ‘legitimate’.
Nagapati man ang natungdan nga ang tikang ang may tuyo nga makabulig sa mga manugbaligya nga indi na makagastos pa.
