Ginaplanuhan ni Iloilo City Acting Mayor Jeffrey Ganzon nga magbutang sang direct flight sa Iloilo International Airport halin Iloilo to Guam.
Sa interview sang Bombo Radyo kay Acting Mayor Ganzon, iya ginpahayag nga nakig-istorya na siya sa Malacañang sa plano nga magbutang sang nasambit nga flight, kon sa diin, bukas man sila nga magbulig sa plano sini.
Suno kay Ganzon, kinahanglan man sang continues trading agud nga mangin madinalag-on ang pagbutang sang direct flight halin Iloilo to Guam.
Nagsugilanon man ang natungdan sa pila ka nagapanag-iya sang airline company agud nga mangin feasible ang ginaduso nga tikang.
Nagapati man si Ganzon nga may magapasugot nga airline company ilabi nga profit oriented ang amo nga plano.
