Gin-impeach man sang South Korean lawmakers ang acting president sang pungsod nga si Han Duck-soo nga duha ka semana pa lang nga nagapungko sa pwesto.
Matandaan nga nagbulos si Han sa posisyon sang gin-impeach sang parliament si President Yoon Suk Yeol bangud sa iya gulpyada nga pagpatuman sang martial law sang Disyembre 3 nga ginkakibot mangin sang ila mga kaalyado nga pungsod.
Si Han naman nga amo man ang prime minister ang ginkakasan man sang mga mamalidha sang presidential duties paagi sa 192 votes. Gin-file sang opposition ang impeachment motion batok kay Han sang Huwebes bangud ginbalabagan sini ang appointment sang tatlo ka judges nga ginpili sang parliament para nga magpanguna sa kaso batok kay President Yoon.
Magluwas nga ini ang ikaduha nga impeachment sang South Korean head of state sa sulod lamang sang duha ka semana, ini man ang una nga impeachment sang pungsod sa ila nga acting president.
Nagbulos naman bilang acting president si Finance Minister Choi Sang-mok nga nagpasalig nga tapuson sini ang krisis sa pulitika sa amo nga Asian country.
Ginabantayan man ang mangin pinal nga desisyon sang Constitutional Court nga amo ang opisyal nga makahambal kun sundon ang desisyon sang parliament sa impeachment nanday Yoon kag Han.
