Nadugangan sang 408 nga mga positibo nga kaso sang COVID-19 ang Western Visayas.
Sa panibag-o nga mga kaso, 34 ang halin sa Antique, 110 sa Iloilo Province, 27 sa Negros Occidental, 96 sa Bacolod City, 48 sa Capiz, 11 sa Guimaras kag 82 sa Iloilo City.
Kabug-usan nga 44,350 na ang kaso sang COVID-19 sa rehiyon sa diin 5,977 ang active cases.
Nadugangan man sang 302 ang mga nag-ayo sa balatian kag 37,272 na subong ang total reported recoveries.
Samtang 1,087 naman ang kabug-usan nga numero sang mga nagtaliwan bangud sa nasambit nga balatian matapos nadugangan sang 13 ka mga napatay.
Kun pahat-pahaton, yari ang numero sang mga kaso sang COVID-19 sa Western Visayas;
Aklan – 2,169
Antique – 1,367
Capiz – 2,518
Guimaras – 493
Iloilo – 7,059
Negros Occidental – 14,301
Bacolod City – 9,163
Iloilo City – 7,307
