JARO ILOILO CITY-– Ginreklamo sang apo sang retired police ang isa ka active police matapos nagpanipa sang kudal sa Brgy. Sambag Jaro Iloilo City.
Ang tagreklamo ang ginkilala nga si Pio Roy Conde apo sang retired police nga si Police master sergeant Celso Conde samtang ang police
ngaginareklamo ang ginkilala nga si Police Staff Sergeant .
Sa interview ang Bombo Radyo kay Conde, iya ginpahayag nga nagapamubod siya ang manok sang ginpalapitan siya sang asawa ni Macaya nga si Lourdes Macaya kag ginkonpronta tuhoy sa higko sang manok nga nagabaho.
Suno kay Conde nagtaas ang tingog sang tiayon ni Macaya rason nga nagtaas man ang iya tingog sa pagsabat.
Ginkakibot lang niya suno kay Conde nga nagragamak na ang ila kudal sa diin natungtong na ini sa ibabaw sang kurungan kag naglinupad ang mga manok.
Nag-abot naman si Macaya suno kay Conde kag nagpinamangkot tuhoy sa natabo lakip na ang pagpamahog.
Narekord naman niya suno kay Conde ang pamahog ni Macaya sa nagluntad nga inisidente lakip na ang iban panga pamahog sadto sang pulis.
