ILOILO CITY – Ginakabig na nga ‘the one” ni Ricci Rivero ang iya nga nobya nga si Andrea Brillantes apisar nga pila pa lamang sila ka bulan.
Ginbalik-balikan sang actor-basketball player ang iya nga proposal kay Andrea.
Suno sa iya, daw kaangay ini sa isa ka armas nga ginakasa na apang nakatago lang nga bisan san-o niya pwede himuon apang indi niya mahibaluan kun paano.
Dugang pa niya, first time niya nga magka-girlfriend sa publiko.
Gin-ako ni Ricci nga tuman niya ka palangga si Andrea gani nahimo niya ang ini nga butang.
Handum ni Ricci nga maka-angkon sang malipayon kag estable nga pamilya.
Si Ricci kag Andrea ang nangin couple sang bulan sang Abril sang nag-propose ang baskteball player pagkatapos sang University Athletic Association of the Philippines basketball game.
