Ginkumpirma sang pamilya nga nagtaliwan na sa edad nga 45 ang Filipino theater, television, kag film actor nga si Joey Paras.
Sa anunsyo sang iya himata nga si Kim Cabrillas, ginpahayag nga ginbawian sang kabuhi ang aktor pasado ‘las singko kaina sang hapon.
“Currently, his remains is still at the hospital’s morgue. We need to settle his hospital bills for us to take him home. Our family is knocking at your kind and generous heart to help us raise a fund to cover his hospital bills,” kabahin sang panawagan.
Kilala si Paras sa iya lead role sa pelikula nga “Last Supper No. 3” kun sa diin nakadaog man ini sang madamo nga awards. Nangin kilala man siya sa “Bekikang”, “Igib”, mga teleserye nga “Kahit Puso’y Masugatan”, “Flordeliza”, “Mulawin vs. Ravena”, kag iban pa nga comedy anthology kag variety shows.
