ILOILO CITy – Ginbalikan sang actress-beauty queen nga si Bianca Manalo ang mga residente sa Barangay Aras-Asan, Sebaste, Antique agud pasalamatan sa pagbulig sa ila.
Upod ang boyfriend nga si Pandan, Antique Mayor Jonathan Tan, nangin emosyunal si Manalo sang maatubang ang mga mangingisda nga nag-rescue sa ila sang magkulob ang ila speedboat.
Suno kay Manalo, kun indi sa madasig nga pagresponde sang mga mangingisda, posible nga nagkalamatay na sila.
Padulong kuntani sa Mararison Island sanday Manalo kag Mayor Tan upod ang aktres nga si Ehra Madrigal kag bana sini nga Filipino-Chinese businessman kag iban pa sang ginhampak sang dalagko nga balod ang ila speedboat rason nga nagkulob.
Napatay sa trahedya ang pakaisa ni Mayor Tan nga iya man driver kag bodyguard.