ILOILO CITY – Ginpasalamatan sang aktres and soon-to-be-mom nga si Angelica Panganiban ang tanan niya nga abyan nga naka-upod niya sa sulod sang siyam ka bulan nga pagdala sang iya pinakauna nga anak sa iya partner nga si Gregg Homan.
Suno sa aktres, ini ang ginakabig niya nga pinakamasadya nga siyam ka bulan sang iya kabuhi.
Nahibaluan nga gin-anunsiyo sang aktres nga nagadala na ini sang nagligad nga Marso.
Sila ang naga-expect sang isa ka baby girl.
Samtang, gin-anunsiyo man sang Holywood actress nga si Blake Lively nga naga-expect man sila sang iya ika-apat nga bata sa iya bana nga actor nga si Ryan Reynolds.
Sa isa ka summit, gin-flaunt sang actress ang iya nga baby bump.
Sang 2012, nagpakasal ang duha kag may yara na sang tatlo ka mga kabataan nga babayi.
Balik kita sa local show business…
Sa masunod nga tuig, magabun-ag sang ikaduha nga bata ang actress-singer nga si Roxanne Barcelo sa iya bana.
Ini ang ginpakigbahin sang actress sa iya vlog.
Una nga nagbun-ag si Roxanne sang iya baby boy nga si Cinco sang 2021.
Sa pihak nga bahin, gin-anunsiyo sang mag-asawa nga sanday Danica Sotto kag Marc Pingris nga naga-expect sila sang isa pa ka baby boy matapos ang ginpatigayon nga gender reveal party.
Sanday Danica kag Marc ang nagmarka sang ila ika-15 ka tuig nga anibersaryo sang nagligad nga Marso.
Samtang, masubo nga gin-share sang actress nga si Jessy Mendiola nga nagpositibo ini sa COVID-19 samtang nga nagadala sang lima ka bulan.
Ini ang ginpakigbahin sang actress sa iya latest vlog.
Sang nagligad nga Agosto, gin-anunsiyo nanday Jessy kag Luis Manzano sa publiko nga naga-expect sila sang ila first baby.
Ang duha ang nagpakasal sang February sang nagligad nga tuig sa isa ka garden ceremony.
