ILOILO CITY – Ginpanginwala sang aktres nga si Loisa Andalio nga naga-live in na sila sang iya nobyo nga si Ronnie Alonte.
Suno kay Loisa, madamo siya sang nabatian nga mga istorya apang wala siya nagapa-apekto.
Pahayag ni Loisa, lapitanay gid lamang ang ila balay bangud taga-Cavite si Ronnie kag siya ang taga-Laguna naman kag 15 minutos gid lamang ang byahe pakadto didto.
Sa subong, anum na ka tuig nga magkarelasyon ang duha kag samtang nga nagabaskog pa ang ila nga relasyon, wala pa sila sang plano nga magpakasal.
Suno kay Ronnie, naka-focus gid lamang sila sa pag-enjoy sang ila nga kabuhi samtang nga bata pa sila kag nagasupot pa.
Nagapati si Ronnie nga madamo pa ang mahimo nila nga himuon ni Loisa sa ila nga career gani, indi nila gusto nga dali-on ang tanan.
