ILOILO CITY – Nagagwa sa autopsy nga napatay ang Hollywood actor nga si Matthew Perry bangud sang “acute effects sang ketamine” nga nagresulta sa pagkalumos.
Sa ginpagwa nga resulta nagikan sa Los Angeles Medical Examiner’s Office, ang dugo ni Mathew ang nagpositibo sa ketamine nga kilala sa pagbulong sa depression kag anxiety.
Suno pa sa report, ang mataas nga lebel sang ketamine nga nakita sa postmortem blood specimens, ang mayor nga lethal effects amo ang nagikan sa cardiovascular overstimulation kag respiratory depression.
Sa amo man nga report, nakita na aksidente lamang ang kamatayon sang aktor.
Kung madumduman, ang 54 anyos nga si Matthew ang nasapwan nga nagalutaw sa pool sa iya balay sa Malibu sang Oktubre 28.
Una na nga ginpahayag sang mga otoridad nga wala sang foul play nga natabo.
Antes ini napatay, nakapakig-angut pa ini sa iya nga “Friends” costar nga si Jennifer Aniston nga nagpahayag nga malipayon pa ini.
