ILOILO CITY- Kinahanglan nga buylugan sang tagsa-tagsa ang adbokasiya sa pagpromote sang kinamatarung sag mga persons with disabilities, kadungan man sang selebrasyon sang National disability prevention and rehabilitation week.
Sa interview sang Bombo Radyo kay John Patrick Sedantes, executive director sang Child Initiative, iya ginpahayag nga importante nga hatagan man sang pagtamod ang mga kinamatarung sang mga persons with disabilities.
Suno kay Sedantes, dapat bag-uhon na sang mga pumuluyo ang ila panan-awan, bangud ang tagsa ka mga persons with disabilities ang may yara man sang kina-iya ukon talento.
Sila sa Child Initiative suno kay Sedantes ang wala man naga-untat sa pagpatigayun sang talks kag pagpakig-angot sa nagkalain-lain nga oraganisasyon agud mahatagan sang atensyon ang kinamatarung sang mga persons with disabilities.
Nagapanawagan man ang natungdan sa gobyerno nga padayunon ang paghimo sang mga programa nga makatalupangod sa kinamatarung kag kinahanglanon sang mga persons with disabilities.
