Nagpaguwa sang memo ang administrasyon ni US President Donald Trump paagi sa U.S. State Department nga pagapa-untaton sini ang tanan nga nagaproseso sang visa sa 75 ka mga pungsod kag ini maga-umpisa halin Enero 21.
Kabahin sa apektado nga pungsod amo ang Somalia, Russia, Iran, Afghanistan, Brazil, Nigeria, kag Thailand.
Wala gilayon ginsunod sang representante sang State Department ang mando samtang giuna-review sang departamento ila nga pamaagi.
Wala naman sang gintalana nga petsa kun asta san o ang suspension.
Ang nasambit nga pagpa-untat kadungan sang lapanagon nga immigration crackdown nga ginpatuman sang Republican U.S President Donald Trump halin sang siya ang namuno halin Enero sang nagligad nga tuig.
Sang Nobyembre, nangako si Trump nga ”permanently pause” ang migrasyon halin sa tanan nga “Third World Countries” kasunod sang pagpangtiro malapit sa White House sang isa ka Afghan national nga nagpatay sang isa ka National Guard member.
