Nagpanawagan sang bulig sa Philippine Government ang isa ka Afghan National pinaagi sa Bombo Radyo nga batunon ang Afghan Refugees nga nagbiya sa ila pungsod.
Nahibaluan nga nag-ala pelikula na ang sitwasyon sa airport sa Kabul, Afghanistan kun sa diin nakit-an kun daw ano ka desperado ang Afghan civilians nga magbiya sa ila kaugalingon nga pungsod kasunod sang pag-sulod kag pagkontrol sang Taliban militants sa amo nga nasyon.
Sa exclusive sang Bombo Radyo kay Mir Wais Jalazai, Afghan National kag nagatrabaho bilang Journalist, iya ginpahayag nga nagahingyo siya sang suporta kag bulig sa gobyerno sang Pilipinas kalakip na sa iban pa nga international countries nga buligan kag batunon ang ila mga pumuluyo.
Suno kay Jalazai, ini bangud halos ginsakop na sang Taliban fighters ang ila nga pungsod sa diin nagapangatubang sila subong sang ‘serious threats’ ukon mga pagpamahog.
”The Philippine Government and other governments in the region, please support Afghan refugees and help them get to safe places. Because nowadays, the Afghan people are facing different kind of threats from Taliban and other criminal groups, so don’t close your doors to them and let them get in to safety.”
Sa pihak sini, ginpat-od sang Afghan national nga indi problema ang COVID-19 kag suplay sang pagkaon sa Afghanistan apang nagasalangisag ang tanan kun paano makahalin sa pungsod kasunod sang nagataas nga tensyon.
Samtang, gin-athag sang gobyerno sang Pilipinas nga mangin ang pungsod sa Afghan refugees.
Suno kay Presidential Spokesperson Atty. Harry Roque, indi-magduha-duha ang pungsod sa pagbaton sang mga indibidwal nga nagpalagyo sa ila mga lugar bangud sa kahangawa ukon persecution.
Halin sang una suno kay Roque, nangin bukas na ang pwertahan sang pungsod para sa mga refugees kaangay sang White Russians sang 1917 Revolution kag European Jews sang World War II.
“Since time immemorial po, the Philippines has had jurisprudence even before the Convention on Refugees Welcoming Asylum Seekers,” pahayag ni Roque.
“Welcome po ang mga asylum seekers sa Pilipinas. Nung panahon po na natanggal ang czar of Russia, tinanggap po natin sila. Nung panahon po ng Pangalawang Pandaigdigang Digmaan, tinaggap po natin mga Hudyo sa ating bayan. Lahat po ng kinakailangan ng kalinga dahil sila po ay pini-persecute sa kanilang bayan, mayroon po kayong lugar dito sa Pilipinas (Asylum seekers are welcome in the Philippines. When the Russian czar was overthrown, we accepted them. In the Second World War, we welcomed Jews into our country. All those who need to seek refuge from being persecuted have a place in the Philippines),” dugang pa niya.
Suno naman kay Presidente Rodrigo Duterte sa iya pinakauna nga speech sa United Nations (UN) General Assembly sang Septyembre 2020, dako ang ‘willingness’ sang pungsod sa pagbaton sang refugees.
Pahayag sang Presidente, dungog sang pungsod ini nga humanitarian tradition sa idalom sang ”1951 Convention on the Status of Refugees and its 1967 Protocol.”
“The Philippines continues to honor this humanitarian tradition in accordance with our obligations under the 1951 Convention on the Status of Refugees and the 1967 Protocol,” pahayag ni Duterte sa iya nangin speech.
