Ginabanta nga duha ka bulan nga magatinir diri sa Pilipinas ang Afghan nationals nga nagahulat pa sang ila visa para sa pagpuyo sa Estados Unidos sang Amerika.
Kahapon sang nag-abot diri sa pungsod ang ginabanta 300 ka Afghan interpreters, contractors kag support staff nga kaupod anay sang American forces sang yara sila sa Afghanistan.
Suno sa Department of Foreign Affairs, ang ila pag-abot ang kabahin sang kasugtanan nga ginpirmahan sang Manila kag Washington sang 2024 nga maga-akomodar sang tubtub sa 300 Special Immigrant Visas applicants.
Kada aplikante ang mahimo makatinir diri sa Pilipinas sang maximum nga 59 days agud nga makumpleto ang ila nga US visa processing.
Pahayag pa sang DFA, indi refugees ini nga Afghans kag wala sila sang dala nga anuman nga pamahog sa seguridad sang publiko. Ginpaathag man nga madugay na sila nga kaupod sang United States government.
Antes gintugtan nga magtinir sa Pilipinas, ginpaidalom sila sa “extensive security vetting” sang Philippine officials kag medical screening prior.
Ang US amo man ang magasabat sang tanan nga gasto sa ila nga temporaryo nga pagtinir sa pungsod. Lakip na dira amo ang para sa food, housing, medical care, security kag transportation.
Wala ginsapubliko kun sa diin sila nga billet facility sa bilog nga visa processing period. Tugutan lamang sila nga makaguwa sa pasilidad kun may interview na sila sa US Embassy.
Ginsigurado naman sang US Embassy in Manila nga ini nga special arrangement ang indi makaapekto sa regular visa processing para sa Filipino applicants.
Matandaan nga nag-withdraw ang US forces sa Afghanistan sadtong 2021.
Santo sa data sang United Nations, halin sang naangkon sang Taliban ang gahum sa amo nga pungsod, masobra na sa 200 extrajudicial killings kag masobra 400 arbitrary arrests ang nahimo nga naga-target sang former Afghan government officials kag security forces.
