AFGHANISTAN – Nagpirma sang power-sharing deal si Afghan President Ashraf Ghani kag iya karibal nga si Abdullah Abdullah nga amo ang magatapos sa pila ka bulan nga away nga nangin kabangdanan sang pagluntad sang krisis sa pulitika sa nasambit nga pungsod.
Sa nasambit nga kasugtanan, pagapangunahan ni Abdullah ang pagpatigayon sang peace talk sa rebelde nga grupo nga Taliban lakip man ang away sang pungsod batok sa paglapta sang Coronavirus Disease 2019.
Nagalaom si Ghani nga paagi sa ginpirmahan nga kasugtanan ang mangin paagi agud magka ceasefire na sa tunga nila kag sang rebelde nga mga grupo.
