Gin-untat temporaryo sang Estados Unidos ang evacuation gikan sa Kabul bangud sa overcrowding sa Qatar sa diin ginpangdala ang mga evacuees.
Suno kay President Joe Biden, ang pagpa-untat sang evacuation ang magalawig man lang sang pila ka oras sa diin nakig-angot na sa Kabul ang US agud nga i-resume ang outbound flights.
Gin-ako man sang presidente nga indi niya masiguro kun ano ang mangin final outcome sang emergency evacuation halin sa airport sang Kabul sa diin gintawag niya ini nga isa sa pinakamabudlay nga airlift operations sa kasaysayan.
Humalin sang Agusto 14, naka-airlift ang US forces sang 13,000 ka tawo halin sa Afghanistan kag 18,000 humalin sang Hulyo. 119, 255
Samtang gin-anunsyo naman sang United Arab Emirates nga magaakomodar sila sang Afghan citizens sa sulod sang 10 ka adlaw tubtob nga dal-on ang mga ini sa third country.
Sa subong, may yara na sang 8,500 ka tawo nagikan sa Afghanistan ang nagatinir temporaryo sa UAE.
