Ginpanugyanan ni Armed Forces of the Philippines (AFP) chief-of-staff Gen. Romeo Brawner Jr. ang mga aktibo nga miyembro sang militar nga mag-resign na lang kun gusto nila nga mag-intra sa away subong sa pulitika.
Sa iya speech sa AFP Leadership Summit sa Camp Aguinaldo, ginsiling ni Brawner nga dapat nga tampad ang AFP service members sa Constitution.
Samtang suksok nila ang uniporme nila suno sa natungdan, dapat nga proteksyunan ang pungsod kag sundon ang constitution apisar ano pa nila ka gusto nga magpahayag sang ila kaugalingon nga opinyon sa pulitika.
“We recognize that all of us have political opinions, political inclinations, pero habang suot suot po natin ang ating uniporme, ay kailangan sundin natin ang Saligang Batas at protektahan natin ang bansa,” suno kay Brawner.
“We cannot just air our grievances just freely, being members of the Armed Forces of the Philippines. Kung gusto po natin gawin ‘yon, eh mag-resign na lang tayo. Hubarin na lang natin ang uniporme natin,” dugang sini.
Sabat ini sang AFP chief matapos nagpanawagan si former President Rodrigo Duterte sa militar nga i-“correct” si President Ferdinand Marcos Jr. kag iya pakaisa nga si House Speaker Martin Romualdez bangud sa “fractured governance.”
Nanginwala man si Brawner nga siya ang magabulos sa security group ni Vice President Sara Duterte. Pahayag sini, napaidalom ini gihapon sa Presidential Security Command.
“Hindi po totoo na I will take over the VPSPG (Vice Presidential Security and Protection Group). It is still under the Presidential Security Command,” pahayag ni Brawner. “Hindi po kayang gawin yun dahil marami po tayong iniisip na iba pang mga security issues ng ating bansa.”
Ginklaro man sang natungdan nga ang hulag sa VPSPG ang kasunod sang pagdagdag sang subpoena halin sa Philippine National Police (PNP) kay Col. Raymund Dante Lachica, chief sang security detail sang Vice President, kag sa pila sa ila myembro.
Naga-comply lang sila sa subpoena suno sa natungdan para sa imbestigasyon, kag samtang ginahimo ini, may yara sang temporaryo nga magabulos halin sa PNP kag AFP.#
