ILOILO CITY – Nakahanda ang Armed Forces of the Philippines nga tungdan ang mandu sa ila nga pangunahan ang pagpanghatag sang Social Amelioration Program.
Sa interview sang Bombo Radyo kay Maj Cenon Pancito III, pinuno sang Public Affairs sang 3rd Infantry Division sang Philippine Army iya ginpahayag nga may yara na sila sang mga plano kun paano patigayunon ang pagpanghatag sang nasambit nga ayuda apisar wala pa sila sang nabaton nga pagsulundan gikan sa National headquarters.
Suno kay Pancito, sa inisyal nga impormasyon nga iya nabaton mahimo nga paagi na sa electronic ang pagpanghatag sang ayuda bangud man sa nagapadayon nga pagsaka sang Coronavirus Disease 2019 sa pungsod.
Dugang sang natungdan, sa subong indi pa nila mahambal kun sin-o sa Philippine National Police kag Philippine Army ang magapanguna sa pagpanagtag sang ayuda.
Santo sa pahayag ni Pancito, ginatan-aw nila ang posibilidad nga ang Philippine Army amo ang magapanagtag sang ayuda sa mga malayo kag delikado nga lugar.
