AFP, magadugang sang pwersa sa May 13 elections

Nagaplano ang Armed Forces of the Philippines (AFP) nga magdugang sang personnel para sa patigayunon nga May 13 midterm elections sa Western Visayas.

Sa interview sang Bombo Radyo kay Maj. Gen. Dinoh Dolina, commander sang 3rd Infantry Division Philippine Army iya ginpahayag nga may yara na sila sang mga lugar nga na identify kun sa diin sila magadugang sang mga personnel.

Suno kay Maj. Dolina, madamo sang mga myembro sang New People’s Army (NPA) ang nagatinguha nga pabaskugon ang ila pwersa.

Suno pa kay Dolina, indi pa nila mapagwa sa publiko ang mga lugar nga ila ginpang- identify sa bug-os nga Western Visayas bangud nagapadayun pa ang ila monitoring.