Nagapabilin nga Pilipinas ang pinakadaku nga recipient sang U.S. military assistance sa bilog nga Indo-Pacific.
P183 million nga balor sang mga armas kag equipment halin sa Estados Unidos ang gin-deliver sang Joint United States Military Assistance Group-Philippines (JUSMAG-P) sa Clark Air Base, Pampanga.
Ini nga military weapons ang ginalakipan sang siyam ka M3P .50 caliber heavy machine guns, 10 ka mortar tubes, kag iban pa nga unidentified equipment.
Ini ang ginbakal paagi sa pondo sang pungsod kag US grant assistance agud magamit para sa “counterterrorism kag maritime security capabilities.”
Subong nga tuig, ginadumdom sang Estados Unidos kag sang Pilipinas ang ika-70 nga tuig sang pagpirma sang Mutual Defense Treaty.
Sa idalom sini, ang duha ka pungsod ang obligado nga magbuligay kun may yara sang external aggression.
