ILOILO CITY – Napilian si Armed Forces of the Philippines (AFP) spokesman Col. Ramon Zagala bilang acting commander sang Presidential Security Group (PSG) kag Senior Military Assistant ni President-elect Ferdinand “Bongbong” Marcos, Jr.
Ini ang ginkumpiram ni AFP public affairs chief Col. Jorry Baclor.
Wala pa sang may ginpagwa nga official order apang ginalauman nga mangin effective na ang iya designation sa Huwebes pagkatapos sang inagurasyon ni Marcos Jr. bilang ika-17 nga presidente sang Pilipinas.
Ang 52 anyos nga si Zagala ang nangin public affairs chief kag spokesperson sang Philippine Army antes nangin spokesperson sang bilog nga AFP sang Agosto sang nagligad nga tuig.
Ang iya amay kag lolo ang nagikan man sa militar.
Sa subong, ang nagapamuno sang PSG amo si Brig. Gen. Randolph Cabangbang.
