Nagdeklarar ang top public health body sang Africa sang “public health emergency of continental security” kasunod sang outbreak sang mpox nga naglapta halin sa Democratic Republic of Congo pakadto sa kaiping nga mga pungsod.
Una na nagpaandam ang Africa Centres for Disease Control and Prevention (Africa CDC) sang makaalarma nga rate sang paglapta sang viral infection, nga gina-transmit paagi sa close contact kag nagatuga sang sintomas nga kaangay sang trangkaso.
Kalabanan nga kaso sini ang mild lang apang mahimo nga mangin makamamatay.
Ang outbreak sa Congo nagsugod paagi sa paglapta sang endemic strain nga kilala bilang Clade I.
Apang ang bag-o nga variant nga Clade Ib ang nagagwa nga mas madasig nga maglapta paagi sa routine close contact, partikular sa mga bata.
Sa subong, nagakinahanglan ang kontinente sang masobra 10 million doses sang bakuna apang kapin 200,000 lang ang available.
Nagpromisa man ini nga ang Africa Centres for Disease Control ang magadoble sa pagpaninguha nga mapataas ang supply sa kontinente.
