ILOILO CITY – Mahimo lamang nga matukiban ang African swine fever (ASF) virus sa Pilipinas pinaagi sa smuggled, illegal kag undocumented entry sang foreign meat sa pungsod.
Suno kay Jesus Cham, presidente sang Meat Importers and Traders Association, indi mangin source sang African swine fever infection ang imported nga baboy nga legal nga gina-import sa pungsod.
Ini bangud nga ang legal nga gina-import nga karne sang baboy ang gina-examine sang insakto sang mga state inspectors sa pungsod nga ginhalinan sang baboy.
Nahibaluan nga sang Seytembre 9, ginkumpirma sang Department of Agriculture nga 14 sa 20 ka mga blood samples nagikan sa mga baboy sa pungsod ang nangin positibo sa African swine fever.
