ILOILO CITY – Ginaduso sa Kongreso ang pagpatigayon sang aggressive testing agud nga mahibalu-an ang kabug-usan nga numero sang mga nagpositibo sa Coronavirus Disease 2019 (COVID-19) sa bug-os nga pungsod.
Sa interview sang Bombo Radyo kay anay Department of Health Secretary kag subong Iloilo 1st District Rep. Janette Garin, iya ginpahayag nga kinahanglan nga magpatigayon sang aggressive testing sa mga nakitaan sang malala nga sintomas kag lakip na ang may mild symptoms.
Suno kay Garin, mas makapaayo man nga ipaidalom sa test bisan ang mga wala sang sintomas agud nga makasigurado.
Ginpahayag ni Garin nga bisan wala na siya sa Department of Health apang nakahanda siya nga magbulig sa ahensya.
