Todo ang panginwala sang isa ka agi sang sya ang ginpabalhag sang isa ka estudyante nga gin kilala si alyas Nonoy 18 anyos nga gina alegar makatatlo kabeses nya gin hurikap ang pribado nga bahin sang lawas sini samtang sila ang nagasakay sa jeep.
Ang agi ang nagpakilala si alyas ‘Ailyn’ 49 anyos residente sang Brgy. Cagamutan Norte, Leganes.
Sa interview sang Bombo Radyo kay alyas Ailyn, iya ginpahayag nga wala nya ginhurikap si alyas Nonoy kag aksidente lang nya nga natandog bangud madasig ang pagpadalagan sini kag gulpi lang ini nagpreno, rason nga nahikapan nya ang paa ni Nonoy indi ang atubangan sini.
Suno kay alyas Ailyn nagsakay sya sa Leganes nga jeep nga padulong kun tani iya nga prayer meeting apang sang naglab-ot na sa Tabuc Suba dira na nagreklamo si alyas Nonoy nga makatatlo na nga ginhurikap sang agi ang pribado nga bahin sang iya lawas.
Suno pa gid kay alyas Ailyn nanaog sya sa jeep bangud natukiban sini nga sya ang ginalagas ni Nonoy nga may dala nga tubo kaupod ang mga tanod sang nasambit nga barangay kun sa diin sya ang nadakpan kag gindala sa Jaro Police Station.
Nahibaluan nga ini na ang ikaduha nga beses nga ginpabalhag si Alyas Ailyn sa kaangay nga isyu kun sa diin sya man ang gina alegar hurikap sa atubangan man sanglalaki sa IloIlo Terminal Market nga ginpanginwala man.
Sa subong si Alyas Ailyn ang preso na sa Jaro Police Station.
