DAVAO CITY – Napatay ang tatlo ka bulan nga agila nga si “Riley” bangud sang balatian sa tul-an, base sa Philippine Eagle Foundation (PEF).
Sa ginpagwa nga pahayag sang PEF sang Huwebes sang gab-i, Abril 17, ginsaysay nila nga ang kabangdanan sang kamatayon ni Riley amo ang bone disease base sa resulta sang necropsy nga ila ginpatigayon.
Napatay si Riley sang Martes sa National Bird Breeding Sanctuary sa Davao City.
Suno sa PEF, sang Abril 12, nabantayan sang mga animal keeper nga nagaluya ang tuo nga pakpak ni Riley.
Sa resulta sang X-ray, nakita nga may bali ang tul-an sang iya pakpak.
Ginpahayag man sang PEF nga bisan pa may masami nga pagbulong kag suporta nga pag-atipan, naglala gihapon ang kahimtangan ni Riley. Nakabatyag siya sang kalisod sa pagginhawa kag inflammation antes ini napatay.
Ang pagkapatay ni Riley nagbilin sang kasubo sa mga naga-atipa sang agila sa nasambit nga foundation.
