ILOILO CITY- Tuman nga ginkadismaya ni Agri Partylist Representative Wilbert Lee ang gin-grant nga P200 billion gikan sa P513 billion nga gin -request nga budget sang Department of Agriculture para sa 2025.
Ang amo nga budget nga gin-grant ang mas manubo sa 2024 budget nga P213 billion base sa General Appropriations Act.
Sa interview sang Bombo Radyo kay Rep. Lee, iya ginpahayag nga ang budget cut ang wala nagasanto sa promisa ni President Ferdinand “Bongbong” Marcos Jr. nga himuon nga prayoridad ang sektor sang agrikultura.
Suno kay Lee, imposible nga mapanubo ang presyo sang balaklon kag commodities kun indi makapain sang bastante nga pondo para sa nasambit nga sector.
Ginkwestyon man ni Lee kun ngaa nga sa gin- propose nga 2025 budget para sa pre-harvest services nga nagalab-ot sa P58.45 billion, P13.51 billion lamang ang ginpain para sa post-harvest facilities.
Paathag niya, isa sa mga madugay na nga problema amo nga may mga lugar nga tuman ka damo ang supply samtang may iban nga ginakulang, kag ini nga sitwasyon ang ginpalala pa sang kakulang sang dryers, cold storage facilities, machinery, kag mangin sang food terminals ukon Kadiwa centers.
