Nagpanawagan ang grupo sang agriculture stakeholders sa Department of Agriculture (DA) nga magpatuman sang moratorium sa importasyon sang manok sa pungsod.
Sa statement ni Philippine Rural Reconstruction Movement (PRRM) President Edicio dela Torre, ginpabutyag sini ang kahangawa sa sitwasyon sang broiler sector sa Pilipinas.
Pahayag sini, indi kinahanglanon ang padayon nga importasyon kag mas ginapalala pa sini ang nagakatabo na nga daan nga oversupply.
Sa data sang grupo, ang total chicken production ang magadangat sa 2.26 million metric tons sa year-end apang ang demand ang yara lamang sa 1.68 million MT. Buot silingon sini, ang ending stock ang magatupa sa 780,000 MT.
Sabat naman ni DA spokesperson Arnel de Mesa, kinahanglan pa nga i-review ang current data antes iimplementar ang ginaduso nga chicken importation.
“Hindi basta-basta nagbabawal ng pag-import. Kasi, ano yan, maraming gumagamit kasi ng manok… may mga choice cuts at saka MDM (mechanically deboned meat). Meron niyang ginagamit for processing. So, hindi basta-basta tinitigil. Hindi naman lahat mga manok ay diretso sa palengke,” sabat ni de Mesa.
