IRELAND – Nagpanaog sa pwesto bilang Agriculture Minister sa Ireland si Dara Calleary bangud sa paglapas sini sa pagsulundan sang pungsod may kaangtanan sa COVID-19.
Ini bangud nga nagpadulong si Calleary sa isa ka parliamentary golf society dinner sa diin 80 ka mga tawo ang nagtambong.
Suno kay Prime Minister Michael Martin, ginbaton niya ang resignation ni Calleary matapos ang 37 ka adlaw nga nagapungko ini sa posisyon.
Sa subong gina-imbestigahan na sang Irish police ang natabo nga parliamentary golf society dinner sa diin pila ka mga opisyal ang yara man sa amo nga event.
