Labi pa nga nagtunog ang pangalan sang Iloilo City kag Quezon Province sa Miss Universe Philippines 2024 pageant matapos ang kumpirmasyon nga magabalik sa national stage si anay Miss International first runner-up Ahtisa Manalo.
Ang duha ka beauty queens amo ang masami ginapasampok sang pageant fans kag ginaduso nga mangin kandidata sang Pilipinas sa international pageant.
Si Manalo, 26, amo ang appointed nga official delegate sang Quezon Province kag frontrunner sa pageant kaupod kay Miss Iloilo 2024 Alexie Brooks.
20-anyos pa lamang ini sang nagdaog ini bilang first runner-up sang 2018 sunod kay Miss Universe Philippines 2018 Catriona Gray.
Siya man ang pinakabata sa ila nga batch, kag subong nga naga-edad na ini sang 26, ginsiling sini nga mas madamo na siya sang eksperyensya kag mas magamit na niya ang iya nga platform sang maayo.
Matandaan nga nag-file man ini sang aplikasyon para sa Miss Universe Philippines sang 2020 apang nag-withdraw bangud sa isyu sa ikaayong lawas.
Advocacy sini amo ang pag-empower sa mga kabataan paagi sa edukasyon.
Sa pihak nga bahin, isa naman ka atleta si Brooks, 22, antes pa man ini nagbalik sa pageant. Tumandok siya sang Leon, Ilolo.
