All-set na si Ma. Ahtisa Manalo nga dal-on ang korona sa Pilipinas sa pagsabak sini sa finals sang Miss Cosmo 2024 subong nga adlaw, Oktubre 5.
Pila ka mga aktibidad sa pageant ang wala natambungan ni Ahtisa sa sulod sang pila ka adlaw bangud sa injury sa iya nga tiil.
Ginbawi niya ini paagi sa matahum nga performance sa jury session kun sa diin gindayaw ini sa iya yellow bikini kag blue cape sa iya signature pasarela. Sa evening gown portion, nagsuksok naman si Ahtisa sang blue gown nga may gold details.
Nakuha man sini ang lead sa ongoing final stage sang “Cosmo People’s Choice” poll ukon ang “Big Bang.”
Ang “Cosmo People’s Choice” winner amo ang makakuha sang guaranteed spot sa Top 10 sang final competition.
Ang panel of judges sa Miss Cosmo ang nagalakip sanday former Miss Universe president Paula Shugart, Pham Quang Vinh, George Chien, Miss Supranational 2022 2nd Runner-up Nguyen Huynh Kim Duyen, kag Miss Universe 2021 Harnaaz Sandhu.
