Ginpaguwa na sang Missosology ang ila first hot picks para sa palaabuton nga Miss Universe Philippines 2025 pageant.
Sa latest post, nanguna sa lista si Tyra Goldman sang Bohol, ginasundan ni Katrina Llegado sang Taguig, kag Jarina Kumari Sandhu sang Isabela.
Sulod man sa Top 5 si Yllana Aduana sang Siniloan, Laguna kag si Ahtisa Manalo sang Quezon Province.
Ang iban pa nga beauty queens nga yara sa Top 20 list amo si Chelsea Fernandez sang Sultan Kudarat nga pang-pito; si Eloisa Jauod sang Laguna nga pang-walo; kag si Winwyn Marquez sang Muntinlupa nga pang-10.
Nahibaluan nga 68 ka mga kandidata na lang ang naga-compete para sa korona subong nga tuig matapos nga nag-atras na ang kandidata sang Filipino community sa Los Angeles, California nga si Hanna Michelle Gilmore.
Ang magadaog subong nga tuig amo ang koronahan ni Miss Universe Philippines 2024 kag reigning Miss Universe Asia Chelsea Manalo.
Amo man ini nga winner ang magatiglawas sang Pilipinas sa Miss Universe 2025 sa Nobyembre 21 sa Impact Muong Thong Thani Arena sa Bangkok, Thailand.
