May panibag-o nga pabati-bati ang komedyante nga si Ai-ai delas Alas nga ginapatihan sang fans nga palabtik para sa iya estranged husband nga si Gerald Sibayan.
Wala ini ginhingadlan ni Ai-ai, apang nagsiling siya nga may isa ka cheater nga nagbakal sang singsing nga para sa engagement apisar nga indi pa man ini divorced sa iya nga asawa.
“Si cheater bumili ng ring? Ay wow pang-engaged na? Huh divorce na ba sila ni wifey? Nyek hindi pa no,” suno kay Ai-ai.
May caption man ang post sini nga: “Sabi ng mga soldiers… Sana OL… pagkaksyahin ko sa leeg nya.”
Sang nagligad nga semana, may yara man ini sang gin-post nga “cheater” kag gin-alegar nga Pinay ang mistress sini. Gin-alegar nga spotted ang “cheater” kag ang mistress sadtong Marso kag Hunyo 2024 didto sa California, United States.
Daku ang posibilidad suno sa fans nga si Gerald ang mystery cheater sa posts ni Ai-ai, bangud naako man anay sang aktres nga nagluib ini sa iya sang naga-updanay pa sila.
Wala sang statement nga ginpaguwa si Gerald apisar sini nga isyu.
30 ka tuig ang age gap nanday Ai-ai kag Gerald. May yara sila sang prenuptial agreement antes nagpakasal sang December 2017. Lima ka tuig ang nagligad, nagkadto sila sa United States para ma-renew ang ila vows, apang gin-anunsyo nga bulagay na sila sang Nobyembre 2024.
