Naglab-ot na sa 70 percent ukon kapin 81,000 ka pamilya ang nahatagan na sang Assistance for Individuals in Crisis Situation (AICS) sang Department of Social Welfare and Development Office (DSWD) sa syudad sang Iloilo.
Sa interview sang Bombo Radyo kay Teresa Gelogo, head sang City Social Welfare and Development Office (CSWDO), iya ginpahayag nga ini nga data ang santo sa August 25 nila nga rekord.
Halos tanan nga distrito sang syudad suno kay Gelogo ang nakapatigayon na sang tagtaganay sang first batch sang cash-aid.
Apang may yara pa suno sa iya sang dalagko nga lugar sa distrito sang Jaro nga subong pa lang nga adlaw ma-releasan sang pondo.
Ginpat-od sang natungdan nga nagapadayon na ang pag-inabot cash-aid sa diin nagalaom sila nga matapos na ang tagtaganay sang AICS sa syudad bag-o matapos ang sini nga bulan sang Agusto.
