“Love triangle” ang ginalantaw nga anggulo kun ngaa gintiro sang isa ka pulis ang isa ka officer sang Philippine Air Force (PAF) sa Zamboanga.
Ang biktima amo si Staff Sgt. Roliver Anang, 41-anyos, nga yara sa kritikal nga kondisyon.
Ang suspek amo si Police Patrolman Elshiemer Kamlian, assigned sa Sumisip Municipal Police Station (MPS) sa Basilan.
Base sa imbestigasyon, pakadto sa trabaho si Anang sang nasiplatan sini ang salakyan sang iya nga misis nga si Daisy nga nakaparada sa gwa sang isa ka apartment.
Nagpundo ini kag makaligad ang pila ka minutos, nakita niya nga naggwa ang misis kag kaupod ang suspek.
Nakita man sang asawa ang iya bana kag nagbalik naman sa apartment ang pulis.
Pagbalik sini sa gwa, may dala na ini nga pusil kag gintiro si Anang.
Madasig nga nalagyo ang suspek sakay sa motorsiklo apang natigayon man nga nadakpan.
Padayon pa ang imbestigasyon sa kaso.
![Pinterest](https://pinterest.com/pin/create/button/?url=https://iloilo.bomboradyo.com/air-force-officer-gintiro-sang-pulis-nga-other-man-sang-iya-asawa/&media=https://img.bomboradyo.com/iloilo/2025/08/gunshot.webp&description="Love triangle" ang ginalantaw nga anggulo kun ngaa gintiro sang isa ka pulis ang isa ka officer sang Philippine Air Force (PAF).){kind=link}