Madugang-dugangan ang balor nga kinahanglan i-preparar para sa plane tickets para sa nagaplano nga magbyahe sa Agusto.
Sa advisory sang Civil Aeronautics Board, nakasaad nga may yara sang pagsaka sa fuel surcharge bilang pagsunod man sa global prices.
Sa masunod nga bulan, mahimo na ini nga Level 6 halin sa Level 5 subong nga Hulyo.
Base sa trackers sang International Air Transport Association, ang presyo sang jet fuel ang nagsaka sang tres porsyento pa- $103.5 per barrel as of July 12 sa monthly comparison.
Sa matrix sang CAB, ang Level 6 ang nagapatuman sang fuel surcharge nga P185 to P665 sa domestic flights kag P610.37 to P4,538.4 sa foreign trips.
Nahibaluan nga base sa projection, maganubo ang air travel demand sa Agusto kumpara sa Hulyo bangud naka-schedule naman nga magbalik sa klase ang mga eskwelahan.
