Posible nga madugangan ang galastuhan sa plane tickets antes magtakop ang tuig bangud ginaduso sang airlines nga magkolekta sang bag-o nga balayran nga tubtub sa P300 kada flight.
Ini agud nga ma-cover man ang price hikes nga ginapatuman sa Ninoy Aquino International Airport (NAIA).
Ang domestic carriers nga Philippine Airlines (PAL), Cebu Pacific kag AirAsia Philippines ang nagdangop sa Civil Aeronautics Board (CAB) kag naghingyo nga aprubahan ang koleksyon sang terminal enhancement fee agud buligan man sila nga maka-recover sa nagasaka nga gasto sa NAIA.
Base sa impormasyon, ang tatlo ka carriers ang nagaduso sang terminal enhancement fee nga P75 per way sa domestic flights, buot silingon ang kada pasahero sa local round trip ang mahimo magbayad sang dugang nga P150.
May airline companies man nga nagaduso sang terminal enhancement fee nga P300 per way para sa international flights, samtang may yara man nga P275 per way lamang sa foreign trips apang masami nga limitado lang sa Southeast Asia kag Northeast Asia.
Ini nga developments nga nagsaka ang service charges sa NAIA. Nagdoble kag halos nagtriple gid ang airport costs halin sang nagbulos na sang nagligad nga bulan ang New NAIA Infrastructure Corporation nga amo man ang nagahimo sangP170.6-billion upgrade sang amo nga paluparan.
