Kun diri sa Pilipinas, kadam-an sa makit-an sa kada balay amo ang ila mga salakyan ukon motorsiklo nga naka-park.
Apang nakahibalo ka bala nga may yara sang komunidad nga indi salakyan ukon motorisklo ang nakapark sa ila nga garahe kundi mga eroplano?
Di bala sosyal?
Ang ini nga komunidad ang gindesinyo para sa mga tawo nga may yara sang ila kaugalingon nga ‘light airplanes’ .
Sa pagkamatuod may yara sang kapin 650 airparks sa bilog nga kalibutan apang ngaa gamay lang nga mga tawo ang nakahibalo sini?
Ang pag-istar sa mga fly-in communities ang indi barato.
Bangud kun luyag mo magbakal sang balay sa Cameron Airpark Estates sa California — isa sa may pinakamanami nga airparks sa bilog nga kalibutan, ihanda na lang ang imo $1.5 million ukon P72.7 million.
Ang ini nga komunidad ang may yara sang bastante nga espasyo agud nga maka take-off kag maka-landing sang maayo ang eroplano.
Wala man nagabunggo-anay ang mga eroplano diri kag wala man sang traffic.
