Palaban-mode liwat ang kontrobersyal nga sexy actress nga si AJ Raval matapos liwat nga ginpunsukan sang bashers bangud sang iya kaangtanan sa hunk actor nga si Aljur Abrenica.
Kasunod ini sang pag-viral sang picture sang duha samtang magkaupod sa isa ka hotel sa Leyte sang Valentine’s Day.
Una na nga ginrason ni Aljur nga para sa trabaho ang ila pagpadulong didto, nag-ilis lang sila, nagkaon, kag nag-freshen up sa hotel.
Ginhangkat naman ni AJ ang iya bashers nga ibato na sa iya ang pinakamasakit nga mga tinaga kun amo sini ang makapahalipay sa ila.
“Maraming taong mas pinipiling maging bobo kesa piliin na maunawaan at maintindihan ang sitwasyon ng iba. Welcome sa lahat ng bashers comment lang kayo… feel free to bash don’t be shy ilabas nyo yang galit nyo na makakatulong sa buhay nyo at sa ika uunlad ng pilipinas,” suno kay AJ.
Obedient man ang pila ka detractors, kag gin-bash pa gid si AJ. Pila sa komento ang sarkastiko man nga ginsabat sang young aktres.
Kontrobersyal si AJ kag si Aljur bangud si AJ ang ginatudlo rason sa likod sang pagbulagay nanday Aljur kag estranged wife sini — ang aktres nga si Kylie Padilla.
May netizen man nga nag-post sa comment section sang picture ni Kylie, kag may words nga ‘THE LEGAL’ bangud kasal gihapon si Kylie kag si Aljur.
Sabat ni AJ? Tatlo ka hearts nga emoji. ##
