AJUY, ILOILO – Ginatinguhaan sang Ajuy Local Government Unit nga madul-ong ang mga ayuda nga kinahanglanon sang mga apektado nga pumuluyo sang bagyo Kristine ilabi na sa mga island barangays.
Sa interview sang Bombo Radyo kay Archie Rojas, Head sang Municipal Disaster Risk Reduction and Management Office, iya ginpahayag nga nakabaton sila sang report nga may yara sang mga balay nga nagguba sa tatlo ka mga island barangays lakip na sa Tagubanhan, Punta Buri kag Nasidman.
Suno kay Rojas, may mga puno sang kahoy man nga natumba bangud sa mabaskog nga huyop sang hangin.
Pahayag niya, may yara sang anum ka mga pamilya nga ginpang-evacuate sa Barangay Pedada.
Sa subong, ginapreparar na sang LGU Ajuy ang mga ayuda nga kinahanglanon sang mga pumuluyo nga apektado.
