ILOILO CITY – May yara na sang person of interest ang Ajuy Municipal Police Station sa pagpatay sa isa ka negosyante sa Barangay Luca, Ajuy, Iloilo.
Ang biktima amo si Neilo Saul, 66 anyos, residente sang distrito sang Lapuz sa syudad sang Iloilo apang temporaryo nga nagatinir sa banwa sang Ajuy.
Sa interview sang Bombo Radyo kay PLt. General Enrique Robles, hepe sang Ajuy Municipal Police Station, iya ginpahayag nga nasapwan sang trabahador ang biktima sa likod sang ila nga balay sa diin may yara ini sang pilas sa nawala nga kilid malapit sa iya nga ilok tuga sang pagpangbuno.
Suno kay Robles, personal grudge kag pagpangawat ang pila sa mga motibo nga ginasundan subong sang kapulisan bangud nadula ang wallet sang biktima kag base sa pamilya, wala naman ang iya nga calibre .45 pistol.
