ILOILO CITY – Pilason nga ginpadangat sa ospital ang babaye nga driver sang motorsiklo matapos magbungguanay batuk sa pribado nga salakyan sa Tacas, Jaro, Iloilo City.
Ang biktima amo si Regine Lucine, 37 anyos sang Zone 2 Tacas, Jaro samtang ang driver sang pick up amo si Felix Hinayhinay
Sa interview sang Bombo Radyo kay Ryan Ocaban, ang nakakita sa aksidente, iya ginpahayag nga madasig ang dalagan sang pick up nga salakyan.
Suno kay Ocaban, gintinguhaan pa ni Lucine nga maglikaw apang natigayon nga mabungguan sang pick up ang iya motorsiklo rason nga ini ang nagtabog.
Sa subong, padayon nga ginabulong sa ospital ang biktima.
