Duha subong ka mga menor de edad ang ginaimbestigaran sang otoridad sa natabo nga pagpanghimulos sa anom ka tuig nga bata nga babaye sa Bingawan, Iloilo.
Sa interview sang Bombo Radyo kay Police Lieutenant Stephen Girao, hepe sang Bingawan Municipal Police Station, natabo ang pagpanghimulos sa katubuhan sa barangay Alabidhan.
Ang suspek amo ang 13-anyos nga solterito kag may upod ini nga isa pa gid ka solterito.
Ginpahayag nga samtang ginahimuslan sang suspek ang biktima, may upod ini nga 16-anyos nga lalaki nga nagakuha man sang video sa ginahimo sang solterito sa bata.
Sa dugang nga pagpangusisa sang Bombo Radyo, madamo na sang malain nga record ang suspek sa eskwelahan kag sa pagkamatuod, gin-kickout na ini bangud sa pagka-agresibo sa iban nga estudyante.
Samtang ang biktima naman ang may mga utod nga special child kag mangin ang iya ginikanan ang ginapahayag man nga may problema man sa paminsaron.
Yara na subong sa paghinakop sang Municipal Social Welfare and Development Office kag Women and Children Protection Desk ang bata kag ang ginatudlo nga suspek.
