ILOILO CITY – Ginkumpirma sang aktor nga si Elijah Canlas nga bulagay na sila sang aktress nga si Miles Ocampo.
Suno kay Elijah, nagbulagay sila, duha na ka bulan ang nakaligad.
Ginpahayag niya nga indi nangin maayo ang ila relasyon sang damlag lang bangud ang tagsa-tagsa sa ila ang may gin-agyan nga kaugalingon nga problema.
Apang gin-athag sang aktor nga indi sila akig sa isa kag isa.
Dugang pa niya, magapabilin ang pagpalangga niya sa aktres kag padayon niya ini nga suportahan.
Mayo 2022 sang ginkumpirma sang duha ang ila nga relasyon.
