MANILA – Nag-angkon sang pagdayaw ang aktor nga si Eric Fructuoso bangud sa iya sideline subong nga may COVID-19 pandemic.
Ini matapos nga nag-post sang laragway sa social media ang 44 anyos nga aktor kun sa diin makita nga yara siya sa driver side sang naka-parking nga tricycle.
Suno kay Eric, ang pagmaneho sang tricycle ang iya palangabuhi-an ilabi na subong nga ginpauntat ang production sa entertainment industry.
Ginpahayag ni Eric nga indi dapat magpili sang trabaho bangud nga mas importante amo nga may yara sang isagod sa pamilya kag ang kwarta ang naghalin sa legal nga paagi.
Nahibalu-an nga magluwas sa pag-arte, si Eric ang isa man ka motorcycle enthusiast kag nakilala bilang miyembro sadto sang teen boy group nga “Gwapings” kaupod sanday Jomari Yllana, Mark Anthony Fernandez kag Jao Mapa.
