ILOILO CITY – Atensyon sa mga fans sang real life couple nga sanday Gerald Anderson kag Julia Barretto!
Worry, no more bangud mahambal naton nga wala sang problema sa tunga sang magkahagugma.
Gin-share sang iloy ni Julia nga si Marjorie Barretto ang ila recent family picture nga magkaupod nga nagkaon.
Sa caption ni Marjorie, ginpahayag niya nga ang matuod niya nga abyan amo ang iya mga anak nga sanday Dani, Claudia, Erich, Leon kag of course, Si Julia nga kaupod pa ang nobyo nga si Gerald.
Si Julia kag Gerald ang magkarelasyon na sa sulod sang masobra sa tatlo ka tuig.
Naggwa ang mga breakup rumors matapos nga na-link si Gerald sa iya co-star nga si Kylie Padilla.
Ini ang una naman nga gin-deny ni Kylie.
Apang, ginpili naman ni Gerald nga indi na mag-comment sa amo nga mga huring-huring.
